🏃🏃‍♀️ 𝐕𝐈𝐈 𝐂𝐀𝐑𝐑𝐄𝐈𝐑𝐀 𝐏𝐎𝐏𝐔𝐋𝐀𝐑 𝐂𝐎𝐍𝐂𝐄𝐋𝐋𝐎 𝐃𝐄 𝐁𝐄𝐆𝐎𝐍𝐓𝐄

14/05/2024

Xa temos en marcha a “𝐕𝐈𝐈 𝐂𝐚𝐫𝐫𝐞𝐢𝐫𝐚 𝐏𝐨𝐩𝐮𝐥𝐚𝐫 𝐂𝐨𝐧𝐜𝐞𝐥𝐥𝐨 𝐝𝐞 𝐁𝐞𝐠𝐨𝐧𝐭𝐞” e como non podería ser doutro xeito, tamén haberá 𝐀𝐍𝐃𝐀𝐈𝐍𝐀 😃👏🚶‍♂️🚶

Esta proba deportiva celebrarase o domingo 30 de xuño de 2024 no 𝐂𝐥𝐮𝐛 𝐅𝐥𝐮𝐯𝐢𝐚𝐥 𝐝𝐞 𝐁𝐞𝐠𝐨𝐧𝐭𝐞. Tódalas carreiras transcorrerán por unhas extraordinarias paisaxes naturais, á beira do río Ladra 🌳🐸🐦.

🔳 INSCRICIÓN, PRAZOS E COTAS

🔸 A inscrición realizarase en www.championchipnorte.com

🔹 O prazo para inscribirse rematará o mércores, 26 de Xuño de 2024, ás 23:59 horas.

🔸 O custe da inscrición na 𝐜𝐚𝐫𝐫𝐞𝐢𝐫𝐚 𝐚𝐛𝐬𝐨𝐥𝐮𝐭𝐚 será de 6€ +1€ de aluguer de chip para o/a que non teña chip amarelo championchip. (Neste caso tamén deberá aboar 5€ de fianza do mesmo que serán devoltos unha vez se entregue). Os/As participantes nesta categoría recibirán como agasallo unha 𝐂𝐀𝐌𝐈𝐒𝐄𝐓𝐀 𝐄𝐗𝐂𝐋𝐔𝐒𝐈𝐕𝐀 da carreira (soamente se garantiza talla para as inscricións realizadas antes do 15 de xuño).

🔹 A inscrición na andaina e nas carreiras menores será gratuíta.

🔸 Non se admitirán inscricións o día da proba.

🔹 Non se devolverá o importe da inscrición por motivos alleos a Organización.


🔳 ENTREGA DE DORSAIS E CHIPS DE CRONOMETRAXE

A recollida de dorsais e chips realizarase o mesmo día da proba, dende as 09.00h ata 1h hora antes da saída da carreira absoluta e 1/2h antes para as carreiras menores, no punto de información do Club Fluvial de Begonte.

🔳 INFORMACIÓN DE INTERESE PARA O ATLETA

🚿 Duchas e vestiarios masculinos e femininos: unha vez rematada a proba estarán a disposición dos corredores vestiarios con duchas masculinas e femininas no Pavillón Municipal de Begonte

👕 Gardarroupa. Os atletas poderán dispor de servicio de gardarroupa no punto de información do Club Fluvial.

🚗 Aparcadoiros: os atletas disporán de zonas de aparcadoiro detrás do Pavillón Municipal de Begonte, na praza do Concello e no Club Fluvial de Begonte. Neste último, permitirase a entrada ata ás 09.30h e non se permitirá a saída ata finalizada a entrega dos premios.

🏰 Ludoteca e inchable. Disporase de ludoteca gratuíta para os/as nenos/as atletas e os/as fillos/as dos/das atletas mentres se disputan as carreiras.

🚑 Servizo de Ambulancia con médico.

🍽 E para finalizar este evento deportivo, tódolos/as participantes poderán degustar uns aperitivos gratis, finalizada a entrega de premios, no Club Fluvial de Begonte.

Inscríbete en 👇👇

https://ccnorte.com/evento/detalle/page/6/id/2812/vii-carreira-popular-concello-de-begonte